كنيتي

لما سألوني عن كنيتي
دمعت عيوني من حسرتي
وقلت في حالة من الخنوع
ردت بصوت كلوا دموع

أنا اللي كانت ضحكتي تهز الدنيا شرق وغرب
أنا اللي كانت كلمتي تتسمع في سلام او حرب

انا اللي نظيفي وسخني
انا اللى مباركي وبخني
انا اللي الغالي رخصني

انا اللي موحد القطرين عاش فيا
انا اللي رسول الله وصا عبادة عليا

انا اللي تاهت دنيتي وسط دروب
انا اللي عايشة وسط الدنيا بالمقلوب

أنا مكسورة الجناحين
انا تايهة ما بين ميدانين